Farmatsevtika tarmog‘ini rivojlantirish agentligi direktori A. Azizov dori vositalarining ulgurji savdosi bilan shug‘ullanuvchi tadbirkorlar bilan ochiq muloqot o‘tkazdi.
Tadbirda Farmatsevtika mahsulotlari xavfsizligi markazi rahbariyati va mas’ul xodimlari, Xorijiy farmatsevtika kompaniyalari va ishlab chiqaruvchilarining vakolatxonalari uyushmasi vakillari hamda 100 dan ortiq tadbirkorlar ishtirok etishdi.
Uchrashuv davomida dori vositalari narxlarini sun’iy oshirish holatlarining oldini olish, referent narxlarni qayd etish tartibini takomillashtirish masalalari muhokama qilindi.
Shuningdek, tadbirkorlar o‘zlarini qiziqtirgan savollar va takliflarini bildirishdi. Barcha fikr-mulohazalar tinglanib, aniq javoblar va amaliy takliflar berildi.
