Magistr talabalar korxona hududida joylashgan 1-sex faoliyati bilan yaqindan tanishtirildi. Jarayon davomida malakali mutaxassis, Rozliv bo‘limi boshlig‘i H. Shokarimov tomonidan ampula dori ishlab chiqarish uskunalari, texnologik jarayonlar hamda tayyor dori vositalari haqida batafsil tushunchalar berildi.
Talabalar ishlab chiqarish jarayonlarini katta qiziqish bilan kuzatib, mutaxassislar bilan qizg‘in savol-javoblar va fikr almashuvlar olib borishdi. Tashrif davomida korxonadagi bevosita va bilvosita tizimli ish faoliyati amaliy tarzda namoyish etildi.
Yosh va izlanuvchan magistrlar korxonamizning barcha faoliyat yo‘nalishlari haqida kerakli ma’lumotlarga ega bo‘lib, kelgusida ham UZGERMED PHARM MCHJ QK korxonasiga yana bir necha bor tashrif buyurish istagini bildirishdi.
Korxonamiz yosh mutaxassislarni qo‘llab-quvvatlash, ularni ish bilan ta’minlash hamda kasbiy rivojlanishiga ko‘maklashish borasida doimo xayrixoh bo‘lib, buning uchun yetarli imkoniyatlarga ega ekanligini alohida ta’kidlaymiz.
